ఆదౌ కర్మప్రసఙ్గాత్కలయతి కలుషం మాతృకుక్షౌ స్థితం మాం
విణ్మూత్రామేధ్యమధ్యే కథయతి నితరాం జాఠరో జాతవేదాః |
యద్యద్వై తత్ర దుఃఖం వ్యథయతి నితరాం శక్యతే కేన వక్తుం
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౧||
బాల్యే దుఃఖాతిరేకో మలలులితవపుః స్తన్యపానే పిపాసా
నో శక్తశ్చేన్ద్రియేభ్యో భవగుణజనితాః జన్తవో మాం తుదన్తి |
నానారోగాదిదుఃఖాద్రుదనపరవశః శఙ్కరం న స్మరామి
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౨||
ప్రౌఢోஉహం యౌవనస్థో విషయవిషధరైః పఞ్చభిర్మర్మసన్ధౌ
దష్టో నష్టోஉవివేకః సుతధనయువతిస్వాదుసౌఖ్యే నిషణ్ణః |
శైవీచిన్తావిహీనం మమ హృదయమహో మానగర్వాధిరూఢం
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౩||
వార్ధక్యే చేన్ద్రియాణాం విగతగతిమతిశ్చాధిదైవాదితాపైః
పాపై రోగైర్వియోగైస్త్వనవసితవపుః ప్రౌఢహీనం చ దీనమ్ |
మిథ్యామోహాభిలాషైర్భ్రమతి మమ మనో ధూర్జటేర్ధ్యానశూన్యం
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౪||
నో శక్యం స్మార్తకర్మ ప్రతిపదగహనప్రత్యవాయాకులాఖ్యం
శ్రౌతే వార్తా కథం మే ద్విజకులవిహితే బ్రహ్మమార్గేஉసుసారే |
ఙ్ఞాతో ధర్మో విచారైః శ్రవణమననయోః కిం నిదిధ్యాసితవ్యం
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౫||
స్నాత్వా ప్రత్యూషకాలే స్నపనవిధివిధౌ నాహృతం గాఙ్గతోయం
పూజార్థం వా కదాచిద్బహుతరగహనాత్ఖణ్డబిల్వీదలాని |
నానీతా పద్మమాలా సరసి వికసితా గన్ధధూపైః త్వదర్థం
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౬||
దుగ్ధైర్మధ్వాజ్యుతైర్దధిసితసహితైః స్నాపితం నైవ లిఙ్గం
నో లిప్తం చన్దనాద్యైః కనకవిరచితైః పూజితం న ప్రసూనైః |
ధూపైః కర్పూరదీపైర్వివిధరసయుతైర్నైవ భక్ష్యోపహారైః
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౭||
ధ్యాత్వా చిత్తే శివాఖ్యం ప్రచురతరధనం నైవ దత్తం ద్విజేభ్యో
హవ్యం తే లక్షసఙ్ఖ్యైర్హుతవహవదనే నార్పితం బీజమన్త్రైః |
నో తప్తం గాఙ్గాతీరే వ్రతజననియమైః రుద్రజాప్యైర్న వేదైః
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౮||
స్థిత్వా స్థానే సరోజే ప్రణవమయమరుత్కుమ్భకే (కుణ్డలే)సూక్ష్మమార్గే
శాన్తే స్వాన్తే ప్రలీనే ప్రకటితవిభవే జ్యోతిరూపేஉపరాఖ్యే |
లిఙ్గఙ్ఞే బ్రహ్మవాక్యే సకలతనుగతం శఙ్కరం న స్మరామి
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౯||
నగ్నో నిఃసఙ్గశుద్ధస్త్రిగుణవిరహితో ధ్వస్తమోహాన్ధకారో
నాసాగ్రే న్యస్తదృష్టిర్విదితభవగుణో నైవ దృష్టః కదాచిత్ |
ఉన్మన్యాஉవస్థయా త్వాం విగతకలిమలం శఙ్కరం న స్మరామి
క్షన్తవ్యో మేஉపరాధః శివ శివ శివ భో శ్రీ మహాదేవ శమ్భో ||౧౦||
చన్ద్రోద్భాసితశేఖరే స్మరహరే గఙ్గాధరే శఙ్కరే
సర్పైర్భూషితకణ్ఠకర్ణయుగలే (వివరే)నేత్రోత్థవైశ్వానరే |
దన్తిత్వక్కృతసున్దరామ్బరధరే త్రైలోక్యసారే హరే
మోక్షార్థం కురు చిత్తవృత్తిమచలామన్యైస్తు కిం కర్మభిః ||౧౧||
కిం వాஉనేన ధనేన వాజికరిభిః ప్రాప్తేన రాజ్యేన కిం
కిం వా పుత్రకలత్రమిత్రపశుభిర్దేహేన గేహేన కిమ్ |
ఙ్ఞాత్వైతత్క్షణభఙ్గురం సపది రే త్యాజ్యం మనో దూరతః
స్వాత్మార్థం గురువాక్యతో భజ మన శ్రీపార్వతీవల్లభమ్ ||౧౨||
ఆయుర్నశ్యతి పశ్యతాం ప్రతిదినం యాతి క్షయం యౌవనం
ప్రత్యాయాన్తి గతాః పునర్న దివసాః కాలో జగద్భక్షకః |
లక్ష్మీస్తోయతరఙ్గభఙ్గచపలా విద్యుచ్చలం జీవితం
తస్మాత్త్వాం (మాం)శరణాగతం శరణద త్వం రక్ష రక్షాధునా ||౧౩||
కరచరణకృతం వాక్కాయజం కర్మజం వా
శ్రవణనయనజం వా మానసం వాஉపరాధమ్ |
విహితమవిహితం వా సర్వమేతత్క్ష్మస్వ
శివ శివ కరుణాబ్ధే శ్రీ మహాదేవ శమ్భో ||౧౬||
No comments:
Post a Comment